CAGAYAN DE ORO CITY – Nakasuhan na sa tulo ka criminal offense ang negosyanteng Koryano kuyog ang iyang hinigugma nga Pinay nga unang nasapon nga midala’g duha ka babayeng menor de edad sa lodging house diha sa Brgy Kauswagan ning syudad.
Gibutyag ni Lt Col Lemuel Gonda,hepe sa PNP-Anti-Cybercrime Unit 10 nga maoy giatubang sa Koryano nga si Jong Uk Kwang ug Julia Tenio Melitares ang kasupakan sa akta republika 7610;Republic Act 10364 in relation to Section 6 sa Republic Act 10175 ug Dangerous Drugs Act of 2002.
Miingon si Gonda nga ipadayon pa nila ang pag-imbestigar sa duha ka minors nga na-rescue sa ilang tropa ug CSWD aron masuta kon may lain pa nga mga biktima ang Koryano dinhi sa syudad.
Hisayrang gihimakak usab ni Kwang nga nalambigit kini sa pasangil nga giakusar kaniya sa mga otoridad.
