CAGAYAN DE ORO CITY – Nadakpan sa PNP Anti-Cybercrime Unit 10 ug kasamtangang naka-kustodiya sa Carmen Police Station ang negosyanteng Koryano kuyog ang iyang 20 anyos nga hinigugmang Pinay ug laing menor de edad nga babaye sulod sa usa sa mga lodging house diha sa Kauswagan Highway ning syudad.
Giila ang Koryano nga si Mr Wang,57 anyos nga nagpuyo sa uptown subdivision ug giingong sobra 20 ka tuig nang nag-negosyo sa dakbayan.
Sulti sa PNP nga gipakig-hilawasan sa suspek ang menor de edad ug napugos lang paggawas sa kuwarto kay nag-drug session na sila kagabii.
Gawas nga nadakpan ang Koryano ug ang iyang hinigugma,naluwas usab ang menor de edad ug nakompiskar ang pipila ka drug paraphernalia sulod sa gisudlan nila nga kuwarto.
Una usab niini,gipanghimakak ni Wang ang pasangil nga migamit siya’g menor de edad ug dili pud tinood nga naggamit sila sa ilegal nga droga.