Gitin aw sa trial lawyer nga si Atty. James Judith, kanhi konsehal sa Dakbayan sa Cagayan de Oro, ang isyu kabahin kang Ramil Madriaga nga nahimong testigo sa impeachment proceedings batok kang Vice President Sara Duterte niadtong Martes.
Sa iyang interbyu sa Bombo Radyo, giingon ni Judith nga sa legal nga proseso, dili awtomatikong madiskwalipika ang usa ka testigo bisan pa og adunay record, basta may kalabutan kini sa panghitabo nga giimbestigahan.
Dugang pa niya, klaro nga si Madriaga wala pa mahukmi ug wala pa ma convict, busa mahimo gihapon siyang motestigo ug hatagan og timbang ang iyang pahayag sa hukmanan.
Gipasiugda ni Judith nga ang pagtan aw sa kredibilidad sa testigo mas sakop sa tibuok ebidensya ug konteksto sa kaso, imbes sa iyang personal nga rekord lamang.
