Dako og epekto sa kredibilidad ug moral authority sa usa ka public official ang pagpanghulga, ilabi na kung kini gikan sa usa ka opisyal nga gitahasan sa pagpanalipod ug pagproteher sa kinabuhi sa mga tawo, sama sa usa ka Bise Presidente.
Sa usa ka interbyu sa Bombo Radyo, gipunto ni Bro. Wilson Amad, usa ka catechist, nga kung ang usa ka opisyal makahimo sa paghulga sa labing gamhanang tawo sa nasod, labaw pa nga dali kining makahimo sa paghulga sa mga yanong katawhan ug mga kabus nga nagkinahanglan og pagbati gikan sa gobyerno.
Dugang pa niya, ang bisan unsang porma sa kapintasan makaguba sa harmoniya sa nasod ug makahatag og kakuyaw sa kalinaw sa matag usa.
Busa, gikonsiderar kini ni Amad nga usa ka dako ug daotang impact sa kredibilidad ni Bise Presidente Sara Duterte ang iyang gibuhat nga mga pahayag batok sa First Family ug kang kanhi Speaker Martin Romualdez, diin alang kaniya, bisan pa og bunga kini sa kapungot, usa gihapon kini ka paglapas sa batakang prinsipyo sa pag-alagad.
