Nag-atubang og hulga sa posibleng krisis sa konstitusyon ang nagpadayon nga impeachment proceeding batok kang Vice President Sara Duterte taliwala sa init nga isyu bahin sa voting threshold sa Senado.
Nisupak si private lawyer Attorney Adonis Gumahad sa plano nga pag-ubos sa threshold ngadto sa 14 ka boto gikan sa standard nga 2/3 requirement tungod kay supak matod pa kini sa tin-aw nga lagda sa balaod.
Gipasabot sa abogado nga ang basihan nga 2/3 kinahanglan ipatuman sa tanang 24 ka miyembro sa Senado bisan pa sa mga senador nga napriso o naa sa medical leave.
Gumikan niini, giduso ni Atty. Gumahad ang paglaum nga modesisyon dayon ang Korte Suprema sa gipresentar nga petisyon ni Attorney Vic Rodriguez sa dili pa mahitabo ang botasyon sa mga senador aron mapugngan ang kagubot sa legal nga proseso.
