Giingon ni Atty. Rhobert Maestre, board of director sa IBP Misamis Oriental Chapter, nga aduna gayud pag-sakmit sa gahum ang kasamtangang krisis sa liderato sa Senado.
Gitin-aw niya nga tataw kaayo ang maong power grab ilabi na kay nag-ilog ang duha ka kampo sa operational power ug sa pagkontrolar sa bangko sa institusyon.
Dugang pa sa abogado, giingong mihilabot na usab ang Malakanyang sa maong kagubot nga naghatag og bentaha sa grupo ni Senator Sherwin Gatchalian tungod sa pagka-under niini sa Executive Department sa aspeto sa mga appointment.
Bisan pa sa pag-angkon sa operational authority, nagpabiling gubot pa sa lukot ang kahimtang sa mga empleyado nga nalibog kon kinsa ang angay nga sundon.
Tungod niini, gihulagway ni Atty. Maestre nga alimosong gayud ang sitwasyon karon sanglit apektado na ang operasyon ug ang hustong pag-dagan sa mga sesyon sa Senado.
