Subling gipadayag ni Kapitan Jaime Joshua Frias II sa Barangay 23 ang iyang kabaka bahin sa nagpadayong krisis sa tubig sa ilang dapit.Gibutyag sa opisyal nga dako kaayo ang kausaban sa presyur sa tubig sa ilang barangay.
Moabot sa 10 PSI ang kusog niini sa mga dagkong establisemento, apan mogaang ug mopakita lang kini sa 2 PSI inag-abot sa mga panimalay.
Tungod niini, kinahanglan pa nga magpaabot og rasyon nga water tanker ang mga residente.Gipasabot ni Frias nga duha na ka tuig nga nakatambay ang mga hangyo sa pag-ayo kay kinahanglan man nga i-overhaul ang tibuok sistema.
Dugang pa sa kapitanes nga bisan pa man sa hiniusang pagbayad sa katawhan, nagpabilin nga gawas sa gahum sa barangay ang hingpit nga pagresulba niini kay wala man silay kaugalingong water district ug nakadepende ra gyud sila sa maong ahensya.
