Naka-alerto na karon ang kinatibuk-ang Mindanao ug batok sa hulga sa blackout human opisyal nga gipaubos sa red alert ang linyada sa kuryente sa National Grid Corporation of the Philippines o NGCP tungod sa pagkadaot sa kapin baynte ka planta.
Gipasidaan ni NGCP Regional Corporate Communications Officer Mae Curiano. nga kung dili magdaginot ang publiko taliwala sa grabeng kainit ug taas nga demand, mapugos ang ahensya sa pagpatuman og manual load dropping o rotational brownout sa tibuok isla.
Gitin-aw sa opisyal nga kritikal na kaayo ang kahimtang sa suplay hinungdan nga kinahanglang likayan una ang paggamit sa mga gamit nga dako og kaon sa elektrisidad samtang padayon nga gipaubos sa red ug yellow alert ang rehiyon.
Gipasiguro sa NGCP nga magdepende sa pagkunhod sa paggamit sa katawhan ug pagbalik sa mga nadaut nga planta ang pag-alsa sa maong krusyal nga alert status
