Nasikop sa DDS Sara All Confederation ang gihulagway nga taktika sa prosekusyon sa pag-idlas ug pag-paspas sa paggawas og hilaw nga financial analysis nga nag-akusar og 817 million pesos nga undeclared assets batok kang Vice President Sara Duterte.
Gitin-aw ni DDS Sara All Confederation Legal Counsel Atty. Raymond Batu nga usa ka matang sa paglikay sa bug-os nga kamatuoran ang pagdalidali sa pagpresenta sa testimonya sa financial analyst ug mga rekord gikan sa BIR ug AMLAC nga puros ubos sa Executive Department.
Gitin-aw sa abogado nga nahimong bias ug daw usa ka gihimong “storytelling” lang ang maong taho tungod kay tuyo nga wala giapil ang habig ug eksplanasyon gikan sa panig sa depensa.
Dugang pa ni Batu, gihimo ang maong pagdalidali aron lang ikondisyon ang pampublikong opinyon sa dili pa makagawas ang mas bug-at ug direktang kontra-ebidensya ug kaugalingon financial analyst sa defense team.-
