CAGAYAN DE ORO CITY- Kasuhan sa pagsupak sa RA 10591 o illegal possesion of firearms sa kapolisan ang lider sa kulto nga nakuhaan sa lima ka armas sulod sa iyang panimalay diha sa Mambajao, Camiguin.
Ang suspek naila nga si Petronillo Namalata Magalleon, lider sa grupong KAMATOORAN ug residente sa maong dapit.
Sumala ni Police Captain Arnold Gaabucayan, hepe sa Mambajao Police Station nga ilang nadakpan ang suspek dihang ilang gisilbi ang search warrant diin positibo nga nakuha sa iyang posisyon ang nagkadaiyang klase sa armas.
Una nang nakadawat reklamo ang kapolisan sa pagpamolestiya nga gihimo niini sa mga miembro sa kulto diin nagbaton usab kini sa illegal nga armas.
