CAGAYAN DE ORO CITY – Nadakpa’g balik sa kapolisan ang lider sa kulto nga unang nagpaila nga Ginoo nga nakuhaan sa lima ka armas sulod sa iyang panimalay diha sa Mambajao, Camiguin.
ang suspek nga si Petronillo Namalata Magalleon, 75-anyos, may kaipon ug lider sa grupong KAMATOORAN.
Sumala ni Police Captain Arnold Gaabucayan, hepe sa Mambajao Police Station nga ilang gisikop ang suspek tungod sa 7 ka warrant of arrest nga giatubang niini.
Siya miingon nga sa maong warrant, 6 niini ang rape samtang 1 ang illegal detention.
Una nang nakadawat reklamo ang kapolisan sa pagpamolestiya nga gihimo niini sa mga miembro sa kulto.
Una nang gikasuhan sa pagsupak sa illegal possesion of firearms ang suspek apan naka-pyansa.
