CAGAYAN DE ORO CITY-Dili na unya maulahi sa kaugmaran ang katawhang Maranao itandi sa ubang mga nag-unang syudad sa nasud.
Kini kon mapatindog na sa hingpit ang mga nakaplano nga imprastraktura nga gitumong sa Marawi City.
Miingon si Task Force Bangon Marawi chairman Eduardo del Rosario nga subay sa master plan, modernong merkado, convention center, terminals, mga eskuwelahan, security buildings sa militar ug kapolisan ang kabahin sa matukod sa maong syudad.
Gitin-aw ni Del Rosario nga matukod usab ang school living of tradition ug museum aron ma-preserbar ang kultura ug tradisyon sa mga Muslim.
