CAGAYAN DE ORO CITY – Miduaw sa talagsaong higayon ang gikaintapan kaniadto sa Moro Islamic Liberation Front o MILF-Lanao del Norte kumander nga si BARMM Parliament Member Sultan Abdul ‘Kumander Bravo’ Macapaar sa Police Regional Office 10 Headquarters sa Kampo Alagar ning syudad.
Kini alayon sa gihingusgan nga Peace,Development and Governance Conversations tali sa gobierno diin anaa ang mga opisyal sa DILG-10, PNP ug ubang mga pundok nga naghingusog nga kab-uton ang kahusay’g kalinaw sa Mindanao ilabina dinhi sa NorMin region.
Miingon si Kumander Bravo nga ang iyang pagtunob sa unang higayon sa balwarte sa PRO 10 pagmatood kung unsa usab sila kauhaw sa kahusay’g kalinaw nga miagi sa taas ug dugay nga pakigbisog aron makab-ot ang kasamtangang kahimsog sa seguridad sa rehiyon.
Dugtong niini,dako ang pagpasalamat ni PRO 10 regional director Brig Gen Jaysen De Guzman nga lig-ong kaabag sa kahusay’g kalinaw sa Mindanao si Kumander Bravo.
Siya miingon nga ang presensiya ug tingog ni Kumander Bravo sa matag-butho sa isyung pang-seguridad sa rehiyon ang tinahod ingon man gipaminaw rason nga sukad misulod sa peace agreement ang MILF sa gobierno,wala na sukad nga adunay nahitabo nga panaggubat pa sa magkabanging panig.
Kini ang rason nga dako ang pagrespeto sa kapolisan ug kasundaluhan sa pagkatawo ni Bravo kinsa naghawid sa MILF-based command nga nakabase sa Lanao del Norte sa dugay’ng panahon.
Hisayrang si Bravo ang aktibo nang miembro sa parliamento diin ang BARMM molusad sa parlia
