CAGAYAN DE ORO CITY – Gihangyong personal pa sa militarr si NPA commander Myrna Sularte alyas Maria Malaya nga mokanaug na sa bukid aron manginabuhing normal sama sa daghan na sa iyang mga kauban nga misalikway sa armadong pakigbisog.
Miingon si AFP Eastern Mindanao Command commander Lt Gen Luis Rex Bergante nga natigayon kini pipila ka semana sa wala pa ang full scale operation sa ilang tropa sa 901st ug 401st batallions batok sa grupo ni Malaya diin siya napatay sa Brgy Pianing,Butuan City sa miaging semana.
Gibutyag ni Bergante nga igo lang gipa-surender ni Malaya ang duha sa iyang close-in security NPA combatants aron mapaabot ang mensahe niini nga mas gustuhon na lang niini nga sa bukid mabugtuan sa katapusang ginhawa tungod sa ilang kausa.
Siya miingon nga dili na makamahay si Malaya kay isip representate sa gobierno,gibuksan unta niya ang pultahan sa pakig-uli apan mas gipili niini nga padayong makig-away.
Siya ang kaabag sa iyang bana nga si Jorge Madlos alyas Ka Oris nga unang napatay sa militar sa engkuwentro sa Bukidnon tuig 2021.
Hisayrang 53 ka tuig nga nakigbisog si Malaya aron lumpagon ang demokrasya sukad tuig 1972.
