CAGAYAN DE ORO CITY-Dili pa matumbok sa Bureau of Fire Protection o BFP kon unsa ang hinungdan sa pag-ulbo sa kalayo sa karaang kumbento sa Brgy Dagumbaan,Maramag,Bukidnon.
Gidumala ni Fr. Ben Rodriguez ang kumbento ubos sa Dagumbaan Parish Church.
Gibutyag ni BFP Maramag Sub-Station FO1 Emmanuel Bustrano mi-abot hangtud sa ikaduhang alarma ang sunog hinungdan nga nagpadala sa dugang fire truck ang Quezon Fire Station ug Valencia City Fire Station.
Hinoon, walay natalang patay o angol human sa insidente. Nagbaton sa balor 400-mil pesos nga structural damage ang maong sunog.
