CAGAYAN DE ORO CITY – Naaresto ang gitumbok nga lider sa Kuratong Baleleng Gang ug laing kauban niini sa joint buy bust operation sa Purok Elena, Brgy. Sudlon, Molave, Zamboanga del Sur.
Giila sa PDEA Misamis Occidental Team ang mga suspek nga si Ricardo Samson Uy,54 anyos,minyo nga taga-Brgy Baybay Triunfo ug Princess Jerlen Montero Guieb,23 anyos,minyo nga residente sa Brgy Malaubang pulos sa Ozamiz City.
Nakompiskar sa PDEA ug PNP ang 10 ka sachets sa suspected shabu nga may bana-banang balor sa 68-mil pesos.
Nasuta usab nga dunay pending warrant of arrest sa kasong attempted murder si Uy ubos sa sala ni RTC Branch 35 Judge Soliver Peras sa Ozamiz City.
Kasamtangang ubos sa kustodiya sa PDEA-MisOcc ang mga dinakpan ug kasuha’g kriminal sa piskalya ugmang adlawa.
