CAGAYAN DE ORO CITY-Gikompirmar sa Pinay worker nga nagsugod na pagpanguli ang 600 gikan sa 800 ka OFWs nga nakabase sa Kuwait.
Kini human gimando ni Pres Rodrigo Duterte nga ipatuman ang total deployment ban sa OFWs sa maong nasud tungod sa sunod-sunod nga pagkamatay sa pipila ka trabahanteng Pinoy niini.
Miingon si Geraldine ”Ric-Ric”Salcedo na taga-Maramag,Bukidnon nga hinoon pipila lamang ka Kuwaiti nationals ang nag-abusar sa mga Pinoy workers sa maong nasud.
Gani,daghan ang gustong magpabilin sa maong nasud kay daghan sa mga employer niini ang nagpakita sa maayong pagtagad ilabina sa Pinoy workers.
Samtang andam mupauli sa Pilipinas ang usa ka OFW cook oras nga tanyagan sila mismo sa embahada sa Pilipinas sa Kuwait sa libreng repatriation.
Apan sa pakighinabi sa Bombo Radyo, gitin-aw ni EJ Janiola,hingkod ang panuigon, minyo ug molopyo sa Nasipit, Agusan del Norte nga wala pa silay nakuha abiso gikan sa ilang mga higala nga anaa nanarbaho sa embahada.
Gikabutyag ni Janiola nga swerte siya kauban ang iyang kapikas nga si Rose human sila manimpalad sa Kuwait kay naka-amo silag strikto apan mga buotan nga Kuwaiti.
Gikasubo niini ang nadangatan sa ilang kaubang pinay ug gitin-aw nga dili man Kuwaiti ang mipatay sa maong katabang.
Sa pagkakaron miduyog si Janiola sa panawagan nga mahatagan ug hustisya ang kamatayon sa nasampit nga OFW.
Dumduman nga mimso ang amahan ni Joanna Demafelis ang nakapatulo ug luha kuyog sa pagsinggit nga ihatag ang hustisya sa iyang anak human masayran niini nga ang ilang gihulatan nga mupauli nga patay na.
