CAGAYAN DE ORO CITY – E-kustodiya sa jail facility nga gipadagan sa Bureau of Jail Management and Penelogy o BJMP ang top 5 regional most wanted person nga adunay duha ka ihap sa kasong pagpanglugos sa lungsod sa Lagonglong,Misamis Oriental.
Sa gitaho ni Misamis Oriental Police Provincial Director Col. Wilbur Salaguste ngadto sa buhatan ni Police Regional Office 10 Director Brig Gen Jaysen De Guzman nga maoy nasilbihan sa arrest warrant order sa korte ang akusado nga si alyas ”Kuya Buddy”,25 anyos,ulitawo nga nagpuyo sa maong lungsod.
Subay sa impormasyon, gidakop ang akusado kay direktang gitudlo nga misikmoy sa iyang duha ka maghod babaye nga pulos menor de edad sa tuig 2016 ug sa miaging tuig.
Gisaysay sa duha ka PNP officials nga ilang gipahalipayan ang mga personahe sa Lagonglong Police Station nga maoy misilbi sa mando sa korte batok sa akusado.
