CAGAYAN DE ORO CITY-Ibalhog na sa Misamis Oriental Provincial Jail ang rape suspect nga milugos sa iyang tulo ka igsoong babaye nga unang nasikop diha sa Opol,Misamis Oriental.
Kini human hingpit nang naduso ang kaso sa piskalya batok suspek nga si Dennis Acope.
Namahayag si PO2 Catherine Hibaya sa Opol Police Station nga court commitment order na lamang ang ilang gihulat aron dad-on si Acope sa provincial jail.
Una nang giangkon ni Acope nga makapila niya nahilabtan ang iyang mga igsoong babaye nga nag-edad 11,16 ug 19 anyos sa miaging katuigan.
