CAGAYAN DE ORO CITY-Nakasuhan na sa kasong rape ang 21 anyos nga lalaki nga giingong milugos sa iyang tulo ka igsoong babaye diha sa Brgy Igpit,Opol,Misamis Oriental.
Kini human gisikop sa kapolisan ang suspek nga si Dennis Acope tungod sa pagsumbong sa iyang mga igsoong babaye sa kapolisan diin gipuli-pulihan niya’g lugos sa taas nga panahon.
Namahayag si Opol Police Station commander C/Insp Randy Anito nga tiwason nila ang paghikay sa mga dokumento sa piskalya ning adlawa aron masulod na sa Misamis Oriental Provincial Jail si Acope.
Una niini,nagpatulo’g luha nga nangayo’g pasaylo ang suspek tungod sa paglugos sa mga igsoon niya nga nag-edad 11,16 ug 19 anyos.
