CAGAYAN DE ORO CITY – Walay kasiguruhan nga mauli ang kwarta sa mga tawong nabiktima sa investment scam sama sa Kapa-Community Ministry International, Inc..
Kini ang gikumpirma ni SEC-10 Reg Dir Atty Reynato Egypto. Gipasabot ni Egypto nga dili trabaho sa ilang buhatan nga mo secure sa salapi sa katawhan nga nagpailad sa mga scam.
Namahayag usab ang maong regional director nga may gihimo na silang pagpahimano aron dili mahisugamak sa mga scammers.
Una na pod siyang nagbutyag nga kinahanglan sutaon gayud ang sudlang investment kung rehestrado ba kini sa gobyerno.
