Walay laing reaksyon si Former Misamis Oriental Vice Governor Joey Pelaez sa nahitabong plenary voting batok sa impeachment ni Vice President Sara Duterte gawas sa iyang pamahayag nga “money and resources wins.”
Namahayag si Pelaez sa Bombo Radyo nga sa iyang panan-aw mas nanaig ang kwarta, hinungdan nga adunay overwhelming vote sa Kamara batok sa impeachment sa Bise Presidente.
Matod niya, posibleng naapektuhan ang desisyon sa pipila ka mga kongresista tungod sa saad nga proyekto, ayuda ug dugang budget alang sa ilang distrito.
Gipasabot usab niya nga adunay alegasyon nga ang ubang mambabalaod nahadlok nga dili matagaan og proyekto kon dili mosuporta sa impeachment vote.
Labaw pa niini, gihisgutan ni Pelaez nga kasagaran sa mga district congressmen nagtinguha nga makadala og dagkong infrastructure ug DPWH projects ngadto sa ilang lugar, busa mas gipili nila ang mubotar sa impeachment kaysa paminawon ug irepresentar ang singgit sa katawhan.
