Gikwestyon pag-ayo ni Atty. Jojo Lacalinao, ang Lead Convenor sa Duterte Panagutin Campaign Network Movement, ang desisyon nga panguloan ni Senador Rodante Marcoleta ang re-investigation sa flood control issue sa Blue Ribbon committee.
Gipadayag ni Atty. Lacalinao nga nawad-an na og kridibilidad ang maong imbestigasyon tungod kay si Marcoleta mismo ang usa sa mga gaatubang og mga pasangil sa graft and corruption.
Dugang pa sa abogado, nabalaka siya nga himuon lang kini nga paagi aron i-maneuver o i-rereilroad ang dagan sa hearing aron mapawad-an ug sala ang mga tawo nga angay untang manubag sa balaod.
Gibalik-tan-aw sab niya ang kaniadto nga paningkamot ni Marcoleta nga himuong state witness ang mga tawo nga giingong labing sad-an sa mga ghost projects ug paghupot og kapin sa baynte ka mga luxury cars.
Tungod niini, gipamugos ni Atty. Lacalinao nga walay integridad ang maong lakang ug lisod tuohan sa katawhan ang mahimong resulta sa maong pagdungog.
