Natay-og ang kahusay’g kalinaw sa kamatayon sa juris doctor nga unang gipusil-patay sa grupo sa mga criminal sulod sa iyang sakyanan sa Crossing,Brgy Patag ning syudad sa miaging semana.
Namahayag si Janboy Actub,tigpamaba ni City Mayor Klarex Uy nga gikasubo kini gikahimoot sa city govt rason nga gitahasan ang Cagayan de Oro City Police Office nga mahatagan sa dinaliang sulbad ang kamatayon ni kanhi National Irrigation Administration/ NIA 10 legal research officer Niruh Kyle Antatico.
Gibutyag ni Actub nga kabahin kini sa nahisgutan ni Mayor Klarex sa dihang nag-courtesy call si Police Regional Office 10 regional director Brig Gen Christopher Abrahano ug Cagayan de Oro City Police Office Director Col.Gerardo Ulanday sa iyang opisina ning semanaha lamang.
Kabahin usab si Uy nga kusganong mikondinar sa mga tawo nga utok sa kamatayon ni Antatico kinsa maisugong mibulgar sa pipila ka giingong kurapsyon sulod sa NIA 10 sa miaging katuigan.
Hisayrang mismo si acting PNP chief Lt Gen Jose Nartatez Jr ang mitahas kang Abrahano nga moporma’g Special Investigation Task Group Antatico aron mapadali ang pagsulbad sa kamatayon ni Kyle.
