Posibleng musulod na ang epekto sa La Niña sa Pilipinas. Gibutyag sa DOST-PAGASA nga posibleng mosulod ang nasud sa dautang panahon katapusang senama sa Agosto, tibook bulan sa Setyembre, Nobyembre ug Disyembre. Gisubay kini sa padayon nga pagmonitor sa El Niño Southern Oscillation (ENSO) sa tropical Pacific.
Sumala sa mga modelo sa klima, magpabilin pa ang ENSO-neutral hangtod sa Agosto-Septiyembre-Oktubre 2025. Apan, nagsugod na ang taas nga posibilidad o 55% sa sukdanan nga mosulod ang La Niña sa Septiyembre-Oktubre-Nobyembre hangtud Oktubre-Nobyembre-Disyembre.
Ang La Niña usa ka natural nga panghitabo sa kalibutan kundiin ang kabugnaw sa dagat mupadulong sa sentral ug sidlakang bahin sa equatorial Pacific.
Kasagaran kini nagdala sa kusog nga ulan ug mas daghang bagyo, ilabi na sa katapusan sa tuig.
Usa sa posibleng epekto niini mao ang sobra nga pag-ulan sa kadaghanan sa mga rehiyon lakip sa Southeast Asia, kung asa nahimutang ang Pilipinas. Muresulta kining mga pag-ulan sa grabeng pagbaha ug landslide sa mga lugar nga delikado. Mas daghang tropical cyclones nga mosulod sa Philippine Area of Responsibility (PAR).
