Kusganong panawagan ang gibuhat ni kanhi Phividec Administrator Pompee La Viña ngadto sa katawhan ug mga opisyal sa kagamhanan kalabot sa giatubang nga impeachment case ni Vice President Sara Duterte.
Sumala pa kaniya, kinahanglan nga dili magpakahilom ang publiko karong panahona ug huna-hunaon ang kaangayan ug saktong proseso, dungan sa pagpangutana kung unsa ba gyud ang angay nga prayoridad sa gobyerno karon.
Gibutyag ni La Viña nga nubenta porsyento sa mga taga-Mindanao ang supak sa impeachment, hinungdan nga iyang gipahinumdoman ang mga kongresista nga paminawon ang tingog sa katawhan aron dili sila matawag nga bungol sa mithi sa mga lungsoranon.
Imbes nga mag-focus sa politikanhong butang, giawhag niya ang mga magbabalaod ug mga opisyal nga tutokan ang mas dinalian nga mga problema sa nasod sama sa presyo sa pagkaon, gasolina, ug trabaho nga maoy nag-unang suliran sa inadlaw-adlaw nga panginabuhi.
