Mibati sa lawom nga kabalaka si Pompee La Viña, kanhi Phividec Administrator, sa impeachment case nga gi-atubang ni Vice President Sara Duterte sa senado.
Gikuwestiyon ni La Viña kung nganong grabe ang gihimong pagpaningkamot sa gobyerno aron lumpagon ang iyang ambisyon nga mahimong presidente sa 2028 nga piliay.
Wala gisalikway ni La Viña ang grabeng baho sa pamulitika sa gobyerno ug tataw nga ang impeachment sa bise presidente wala makatutok sa accountability apan, gumikan kini sa aslom nga kasuko sa mga anti-Duterte nga mga opisyales ubos sa Marcos Administration.
Nanghinaut si La Viña ga makalingkawas sa bug-at nga pagsulay ang bise presidente sa pag-abante sa hearing sa senate impeachment court.
