CAGAYAN DE ORO CITY – Walay gikabasol apan karga nga obligasyon ni kanhi mayoralty candidate Pompe La Viña kon nganong sa ikaduhang higayon napildi kini sa pagka-mayor sa laing hugna sa piliay sa dakbayan.
Kini human unang gitudlo nga hinungdan sa pipila ka iyang supportes nga gipukan siya ni city mayor elect 1st District Rep. Rolando ‘Klarex’ Uy kay nalupig sila sa makinarya sa miaging Mayo 9 nga piliay.
Miingon si La Viña nga mihukom na ang katawhan tali kanila ni Cong Klarex ug dayag lamang nga kini dawaton nga hukom kay gi-agi man ang demokrasya ang pagpili sa katawhan ngadto kanila.
Sa sobra gatus-mil botos nga nakuha ni Klarex ug Pompee,anaa lang sa sobra 20-mil ang labay sa kongresista aron kini ilhong bag-ong mayor sa dakbayan.
Samtang ‘considered retired’ apan wala pa gihapon tak-upi ni La Viña ang posibilidad nga modagan kini’g balik sa dakong katungdanan sa umaabot piliay sa dakbayan.
Kini bisan kon giila niini ang lehitimong kadaugan pagka-mayor ni Uy sa milaba’yng eleksyon sa syudad.
Gibutyag ni La Viña nga sayo pa aron moingon kini nga hingpit nga retirado na sa politika tungod lang sa iyang kapildihan sa miaging piliay.
Hinoon,igahin una niya ang iyang bakanteng panahon sa kaugalingong pamilya niini ug ubang pribadong gimbuhaton.
