CAGAYAN DE ORO CITY-Giindorso ni Pres Rodrigo Duterte isip kandidato pagka-mayor si kanhi Dept of Agriculture o DA Undersecretary Pompee La Vinia alang sa 2019 midterm elections sa syudad.
Kini subay sa hulagway gikan sa pagtambong ni Duterte sa 4th grand reunion sa pamilyang Roa sa Atrium,Limketkai Mall sa syudad kagabii.
Makita sa hulagway nga giisa ni Duterte ang kamot ni La Vinia diin indikasyon nga gisuporthan niini ang kandidatura pagka-mayor.Si La Vinia ang makig-atbang sa re-electionist nga si City Mayor Oscar Moreno sa piliay sa syudad ning tuiga.
Samtang mapalig-on sa kandidatura sa congressional 2nd district ang pagtuboy ni Pres Rodrigo Duterte kang ABC Federation President Kag Alam Lim.
Kini ang pagtoo ni Moreno dihang unang giisa usab ni Duterte ang kamot ni Lim samtang nakigkita kaniya sa Malakanyang sa miaging semana.
Miingon si Moreno kinsa alyado ni Lim nga makatabang ang pag-endorso ni Duterte kang Lim ilabina nga lig-on nga kandidato usab pagka-kongresista sa segundo distrito si kanhi Cong Rufus Rodriguez.
