Misugyot si labor consultant Nick Borja nga ipaagi na lamang sa national nga lebel ang pagbuot sa usbaw sa suholan imbis nga ipabilin sa regional wage board ang desisyon niini.
Matud niya, mas angay nga adunay parehas ug uniporme nga sistema sa tibuok nasud aron malikayan ang kalainan sa wage rates tali sa nagkalain-laing rehiyon.
Dugang pa niya, kung national ang basehan sa wage increase, mas mapalig-on ang proteksyon sa mga mamumuo ug malikayan ang kalibog sa implementasyon sa nagkalain-laing lugar.
Gipasabot usab niya nga ang kasamtangang regional setup usahay hinungdan sa dili patas nga benepisyo sa mga trabahante, ilabi na sa mga rehiyon nga ubos ang gi-aprubahan nga usbaw sa sweldo.
Gihangyo karon sa mga labor consultant nga tun-an sa gobyerno ang maong sugyot aron masiguro ang patas ug lig-on nga sistema sa paghatag og suhol sa tanang mamumuo sa nasud.
