Nagmalinawon ug nagmalampuson ang pag-obserbar sa Labor Day sa Northern Mindanao, matod sa Police Regional Office 10.
Sumala ni PMaj Joan Navarro, spokesperson sa PRO-10, wala’y naitalang bisan unsang insidente nga nakadaot sa kalinaw sa tibuok rehiyon atol sa maong selebrasyon.
Giingon usab niini nga kapin 4,000 ka kapulisan ang gi-deploy sa nagkalain-laing strategic areas, ilabina sa mga lugar nga adunay dagkong kalihukan.
Dugang pa niya, tulo ka mga aktibidad ang ilang namonitor — duha sa Iligan City ug usa sa Cagayan de Oro City — nga pulos nahimong malinawon.
Busa, nagpasalamat ang PRO-10 sa kooperasyon sa mga partisipante ug sa suporta sa publiko nga nakatabang sa maayong dagan sa maong obserbasyon.
