Dismayado ang labor leader nga si Ka Leody de Guzman sa hinay nga dagan sa pagpaguwa sa hustisya sa korapsyon sa nasud.
Alang kaniya, dili lamang angay nga si Vice President Sara Duterte ang kanunay nga gisahon sa Senado ug imbestigahan, apan angay usab matod pa nga maimbestigahan administrasyong Marcos.
Gipunto ni de Guzman nga tungod ang Presidente mismo ang mipirma sa 2025 budget nga adunay bilyon-bilyong kantidad sa korapsyon sa flood control, lakip na ang 2026 budget nga moabot sa halos 1.2 trillion pesos nga kwestyonable ug posibleng padulong sa pork barrel .
Tungod niini, nanawagan ang labor leader nga kinahanglang tanang opisyales nga nalambigit sa pagwaldas sa pundo sa katawhan ang moatubang sa tulubagon ug dili lang ang mga tawo nga karon gipunting sa imbestigasyon.
