Gipunting ni Atty. Proculo Sarmen, usa ka labor law expert, nga nagpadayon ang seryosong problema sa sektor sa mga mamumuo sa Pilipinas nga kinahanglan hatagan og dakong pagtagad sa gobyerno.
Sumala sa abogado ug legal counsel sa Federation of Free Workers, daghang mga small ug medium industries ang naluyahan samtang ang mga multinational companies nagpadayon sa pagkuha og mga kontraktor nga dili mosunod sa hustong paghatag og suhol.
Dugang pa niya, ang maong sistema nagresulta sa pagpang-abuso sa mga mamumuo diin dili nila madawat ang angay nga benepisyo ug proteksyon sa ilang trabaho.
Giingon usab ni Sarmen nga kulang ang epektibong pagmonitor ug pagpatuman sa balaod gikan sa Department of Labor, hinungdan nga nagpadayon ang maong mga iregularidad.
Busa, gi-awhag sa abogado ang gobyerno nga palig-onon ang pagpatuman sa labor laws aron mapanalipdan ang katungod ug kaayohan sa mga mamumuo sa nasud.
