Suportado sa Federation of Free Farmers (FFF) ang sugyot nga 4 days work week sa gobyerno. Apan, namahayag si Atty Sonny Matula, presidente sa FFF nga adunay dautang epekto sa mga mamumuo ang maong istilo ilabe nga makadaut sa panglawas sa tawo ang sobra walo ka oras nga trabaho. Miingon si Matula nga hago na kaayo ang lawas sa tawo kung mulapas pa sa 10 oras o duha ka oras nga overtime, busa, kinahanglan ihatag kanila ang benepisyo nga angay kanila. Sa pikas bahin, napamatud-an usab sa grupo nga mikonhod ang mga sumasakay tungod sa bag-ong palisiya sa gobyerno ug sigurado nga nakadaginot sa kuryente ug krudo ang mga trabahante nga adjusted ang oras sa trabaho. Una nang namahayag ang grupo nga dili angayan ang 4 days work week sa mga tawong anaa sa construction site ug uban pang hago nga mga trabaho.
