Direktang gitubag ni Senate Pro Tempore Panfilo “Ping” Lacson ang mga alegasyon nga siya nakaila sa mastermind sa likod sa anomalya sa flood control projects.
Matod sa Senador, dili siya “superman” aron matino kinsa gyud ang ulo sa sistematikong pag-pangawat gikan sa kaban sa bayan.
Gi-awhag usab niya ang mga kritiko nga nagtudlo sa dapat ipatawag sa pagdungog nga mag-presentar sa lig-on nga ebidensya aron malakip ang maong mga indibidwal sa imbestigasyon sa Senate Blue Ribbon Committee.
Samtang, wala hinoon gitubag sa Senador ang pangutana kon ma-konsiderar ba si Zaldy Co nga mastermind tungod sa iyang kanhing posisyon isip House Committee on Appropriations Chair. (PHILLIP ARIATA)
