CAGAYAN DE ORO CITY, Philippines -Andam na ang mga nag-unang golfers sa Pilipinas aron mupakita sa ilang kahanas sa 2024 Party Golfers Ladies Open nga gikatakda sa Nobyembre 13 hantmgtud 15 didto sa Taiwan.
Ang Ladies Philippine Golf Tour (LPGT) determinado nga musakmit sa kadaugan alang sa 54-hole event sa Lily Golf and Country Club sa Hsinchu County.
Maoy mangulo sa RP Team si Pauline del Rosario, alang sa iyang par-72 layout.
Pamilyar na daan sinDel Rosario sa mga golf course sa Taiwan human niya gidominar ang Epson Tour niadtong 2017 TLPGA ug Royal Open sa Royal KuanHsi Golf Club, gikan sa iyang pro debut competition.
Makauban ni del Rosario sa torneyo sila Princess Superal, Daniella Uy, Florence Bisera, Marvi Monsalve, Mafy Singson, Chanelle Avaricio, Chihiro Ikeda, Mikha Fortuna ug Harmie Constantino; ang managsoong Laurea ug Lia Duque, Jiwon Lee, ug mga bag-ong managsuong golfers nga sila Mona ug Lisa Sarines.
Ang mga Pinay makigsangka batok sa defending champion Ling Jie Chen, lakip na nila PK Kongkraphan sa Thailand, Yuna Arakawa sa Japan, ug TLPGA Order of Merit No. 2 Yu Ju Chen.
Ang mananaug sa torneyo mudawat sa New Taiwan dollar nga muabot sa $5 milyon cash.
