CAGAYAN DE ORO CITY – Magbaton na sa kaugalingong international airport ang katawhan nga nakabase sa Cagayan de Oro City ug Misamis Oriental sa dili madugay.
Kini tungod sa gihatag nga suporta ni Pres Bongbong Marcos sa paningkamot ni Misamis Oriental 2nd District Cong. Bambi Emano nga ma-upgrade sa pagka-international size status ang airport nga nakabase sa Laguindigan ning lalawigan.
Gihimo ni Emano ang mensahe nunot sa public private partnership project ceremonial awarding tali sa Department of Transportation nga gipanguluhan ni Secretary Jaime Bautista ug Cosette Canilao nga presidente ingon man chief operating officer sa Aboitiz InfraCapital Incorporated sa tugpahanan kagahapong adlawa.
Siya miingon nga kon magsilbi nang international airport ang Laguindangan, mabulahan pag-ayo niini ang Mindanao ilabina sa ekonomiya ug turismo.
Gawas kanila ni Emano,Bautista ug Canilao, saksi usab si Cagayan de Oro 2nd District Rep. Rufus Rodriguez kinsa kabahin sa naningkamot gihapon nga mahatagan sa katumanan sa kaugmaran sa tugpahanan.
Gisaksihan usab ang seremonya nila ni Misamis Oriental Gov. Peter Unabia;Laguindingan Mayor Diosdado Obsioma,DOTr undersecretaries,Civil Aviation Authorities of the Philippines officials ubang mga anaa sa kagamhanan.
Kon matibawas na ang ang pagka-international size sa Laguindingan airport, anaa na sa upat hangtod unom ka milyon ka pasahero ang mosulod-gawas sa matag-tuig.
Tungod sa kagamay sa tugpahanan nga gi-mintinar sa pila ka tuig sa CAAP, kini maka-akomodar lang sa hangtod sobra milyon ka pasahero kada-tuig.
Hisayrang ang maong tugpahanan nga kanhi Lumbia Airport nga unang nakabase sa Cagayan de Oro City ang dumalahon sa Aboitiz sa 30 ka tuig.
