CAGAYAN DE ORO CITY – Gisaaran ni Pres Bongbong Marcos ang katawhan nga isaka ngadto sa international airport ang tugpahanan sa mga eroplano diha sa Laguindingan ning lalawigan.
Kini alayon sa tinguha ni Misamis Oriental 2nd District Rep.Bambi Emano nga ma-upgrade sa pagka-international ang Laguindingan Airport aron makadugang sa kalig-on sa ekonomiya sa syudad ug lalawigan.
Siya miingon nga may negosyante na nga nagpadayag sa interes apan ipaubos pa sa subsob nga negosasyon kon maselyuhan ang private-public-partnership alang sa maong proyekto.
Dumduman nga may balaodnon nga gipasar si Emano alang sa paghimong international aiport sa Laguindingan.
