CAGAYAN DE ORO CITY, Philippines – Mihulga si Senate Deputy Minority Leader Risa Hontiveros nga ipa-ubos sa lahugay ang tanan opisyal sa Bureau of Immigration (BI).
Nunot kini sa iyang diskobrehan nga impormasyon nga wala na sa Pilipinas ang napriso nga si Guo Hua Ping alyas Alice Guo.
Gikondinar sa senador ang pag-ikyas ni Guo, ilabi na nga wala pa masulbad ang patung-patong nga kaso sa money laundering human kini nalambigit sa bilyones pesos nga ilegal nga pag-operar sa mga POGO Hubs sa Central Luzon.
Gihatagan ni Hontiveros sa kinse diyas ang mga kadagkuan sa BI aron masumiter ang ilang “written explanation” sa kalit nga pagkahanaw ni Guo.
Dugang pa niini, namahayag ang National Intelligence Coordinating Agency (NICA) nga posibleng miagi sa southern backdoor sa Pilipinas padulong Malaysia si Guo, uban sa iyang mga co-accused aron makaikyas.
