CAGAYAN DE ORO CITY – Napun-an pa ang kabarangayan nga gipaubos sa pag-lockdown tungod sa local transmission sa COVID-19 sa syudad.
Kini human dugang lima ka tawo nga gilangkuban sa tulo ka authorized persons outside residence o APORs ug laing duha ka residente sa syudad ang natakdan sa bayrus.
Miingon si city epidemiologist Dr Joselito Retuya nga tungod niini,anaa na sa 281 ang COVID-19 cases sa syudad diin 92 ang aktibo samtang unom kanila ang gisulod sa Northern Mindanao Medical Center.
Nagsumikad ang dugang bag-ong kaso sa Brgy Macabalan,Puntod,Brgy Gusa,Bulua ug Macanhan,Brgy Carmen ning dakbayan.
Napun-an usab sa pito ka pasyente ang naka-rekober nga mitala na sa 180 ning syudad.
