CAGAYAN DE ORO CITY –Napun-an na sa laing usa ka residente nga nagpositibo sa coronavirus disease ang syudad.
Kini subay sa press briefer nga gilugwa sa Dept of Health 10 nga kanunay nagpahimangno sa publiko nga mag-alerto batok sa maong sakit.
Nagpasabot nga mitala na ang syudad sa 16 ka kaso sa coronavirus diin unom sa mga pasyente ang nangamatay na.
Dugtong niini,anaa na sa 48 ka tawo ang positibo sa maong sakit ang Northern Mindanao.
Una nang nakatala ang Misamis Oriental sa tulo ka positibong kaso sa bayrus nga gilakipan sa mag-amahan gikan sa Gingoog City ug OFW nga nakauli samtang nagtrabaho sa Saudi Arabia nga taga-Libertad sa miaging semana.
