CAGAYAN DE ORO CITY-Gi-depensa sa PNP-10 ang sunod-sunod nga pagkamatay sa suspected drug pushers dinhi sa rehiyon.Kini human laing suspected drug pusher ang napusilan-patay dihang gihimo ang anti-illegal drug buy bust operation diha sa Sitio Bolonseri,Brgy Camaman-an ning syudad.
Giila ni PNP regional spokesperson Supt Surkie Serenias ang suspek nga si Eggie Boy Resma alyas Boktot,19 anyos ug nagpuyo sa Brgy 34 ning syudad.
Miingon si Serenias nga subay sa gi-report ni Cogon Police Station commander Sr/Insp Dennis Quindara nga gipusil sa suspek ang ilang operatiba samtang nakig-transaction hinungdan nga napusilan kini sa dughan ug namatay pag-abot sa ospital.
Narekober sa crime scene ang armas,tulo ka slugs sa 9mm pistol,sachets sa suspected shabu ug marked money.
Si Resma ang ika-unom nga suspected pusher nga napatay sa anti-illegal drugs operation ning syudad.
