CAGAYAN DE ORO CITY-Nagkayagaw ug daw na trauma ang mga babayeng trabahante sa LBC Divisoria-Velez Branch human gisulod ang ilang establishemento sa duha ka tulisan nga nahimutang sa Divisoria- Velez Sts.
ning syudad, karong buntag. Gamit ang footage sa CCTV camera, gibutyag ni Divisoria Police Station Commander Pol Chief Ins Julius Macariola nga ang mga suspek kamay-ong sa mga tulisan nga miransak sa LBC Carmen Branch sa milabay’ng bulan.
Miingon si Macariola nga gibana-bana nagpangidad sa 40 anyos ang mga tulisan ug bitbit nila ang usa ka short firearm.
Dili pa makahatag sa insaktong kantidad ang mga cashier ug staff kung pila ang natulis sa ilang branch.
Wala na masapon sa mga otoridad ang mga tulisan tungod kay dugay na report sa maong branch ang pagpanulis.
