CAGAYAN DE ORO CITY – Nadugangan ang ihap sa mga miembro sa ISIS-inspired Dawlah Islamiya/Maute Group nga mitahan sa tropa sa militar sa Brgy Poblacion Bayabao,Butig, Lanao del Sur.
Bitbit ang M79 grenade launcher ug usa ka 40mm high explosive, boluntaryong mi-surrender si Saifoden Macaraya Maute, 36-anyos ug residente sa Brgy Tagoranao, Sultan Dumalondong, Lanao del Sur.
Si Saifoden ang kabahin nga nakig-engkwentro batok militar sa operasyon nga gipahigayon sa 103rd Brigade niadtong tuig 2016.
Hisayran nga sa miaging semana, tulo ka mga terorista nga gilakipan sa usa ka menor de edad ang mibalik sa sabakan sa gobyerno.
