CAGAYAN DE ORO CITY-Nakuha na’g balik sa militar ang laing moske nga nagsilbing islamic center nga nakabase sa Brgy Pangarungan,Marawi City.
Kini human nalupig sa militar ang nabiling puwersa sa teroristang Maute-ISIS nga unang mi-ukupar sa moske sugod Mayo 23 ning tuiga.
Gibutyag ni Marawi City Police Office Director Sr/Supt Ebra Moxsir nga ang pagkakuha sa maong moske ang dugang magmatood nga duol na nga makuha’g balik sa gobierno ang kontrol sa Marawi City.
Sa miaging bulan,nakuha na usab pagbalik sa militar ang grand mosque ug St Mary’s Cathedral nga kabahin sa gikontrol sa mga terorista.
