CAGAYAN DE ORO CITY – Nakit-an na ang dugang biktima nga tipik sa natabunan sa midahiling mga yuta ug bato sa Sitio Mabuhay,Brgy San Luis,Malitbog,Bukidnon kagahapong adlawa.
Kini samtang wala undangi sa retrieval team ang pagpangita ang upat sa lima ka biktima nga nadat-ugan sa pag-landslide sa miaging Lunes sa udto.
Miingon si Malitbog MDRRMO rescuer Jeryl de la Cruz nga maglisod na sila’g tumbok kon lalaki o babaye ang narekober tungod sa maayong pagkaguba sa lawas niini.
Hisayrang bugtong naila pa lamang mao si Vincent Achas kinsa kabahin sa tulo ka empleyado sa munisipyo nga igo ra unta nag-road clearing sa lugar sa dihang nahitabo ang trahedya.
