CAGAYAN DE ORO CITY-Patay ang laing suspected drug pusher nga gipatoo sa kapolisan nga misukol dihang gipaubos sa anti-illegal drug buy bust operation sa Estakahan,Brgy Agusan ning syudad.
Giila ni Divisoria Police Station commander Sr/Insp Rustico Gala-Gala ang suspek nga karon biktima na nga si Ricky Jones Ampo,19 anyos,ulitawo ug nagpuyo sa maong lugar.
Sumala ni Gala-Gala nga samtang gihimo ang transaksyon,nabantayan sa suspek nga pulis nag gika-atubang niini hinungdan mibunot sa kalibre 38 nga armas aron unta mamusil apan naunhan na kini sa back-up.
Kini ang hinungdan nga naigo ang dughan sa biktima diin nag-resulta sa kamatayon niini dihang nahidangat sa Northern Mindanao Medical Center kaganihang kadlawon.
Si Navidad ang ika-14 nga drug pusher suspek nga gipatay sa kapolisan tungod sa giingong pagsukol ning syudad.
