CAGAYAN DE ORO CITY – Gitahasan ni City Police Director Col.Aaron Mandia ang intelligence operatives nga dalion ang pagsulbad sa kasong pagpatulis sa bodega sa J & T Express nga nahimutang sa Salcedo Compound,Brgy Kauswagan ning syudad.
Kini human nadala sa tulo ka armadong tulisan ang 1.5 milyon pesos nga kinitaan sa maong patigayon atol sa pagpanulis sa miaging Sabado sa gabii.
Miingon si COCPO spokesperson Lt Col. Evan Viñas nga dili iglayo ang mga suspek nga mitulis sa gadget store nga nahimutang sa Dolores Street ning dakbayan.
Hisayrang bisan ang unang kaso sa pagpanulis sa gadget store sa dalang Dolores ang pabiling wala pa gihapon masulbad sa mga otoridad sa dakbayan.
