Gihulagway ni Former DepEd Director ug kanhi Vice Governor Joey Pelaez nga usa ka “comedy of errors” ug kataw-anan ang mga lakang sa gobyerno batok sa mga krisis sa nasud.
Gisaway sa opisyal ang mga ideya sama sa pagpalit og gagmay nga fire trucks, paggamit og balde sa tubig-ulan, ug ang pagpasando na lamang sa mga estudyante ug magtutudlo batok sa El Niño.
Dugang pa, gitumbok sa lider nga nahimo nang kataw-anan ang nasud sa tibuok nga Asya tungod sa mga walay klarong solusyon nga gipagawas sa kagamhanan.
Gumikan niini, gipamugos sa opisyal nga kinahanglang magbaton og tarong ug epektibong plano ang gobyerno imbes nga magpasiugda og mga kataw-anang sugyot sa publiko
