CAGAYAN DE ORO CITY-Brutal ang kamatayon sa usa ka lalake nga gilabay sa Purok 3, Barangay Poblacion Naawan, Misamis Oriental.
Kini human gawas sa samad pinusilan nga iyang naangkon sa lawas, giligo pa kini sa gasolina ug gisunog sa mga suspek.
Nagtoo si SP01 Senador Austero Jr, imbestigador sa Naawan Municipal Police Station nga biktima sa salvaging ang biktima ilabina nga giba-atan sa masking tape ang iyang baba.
Deskripsyon sa biktima, 5’4 ang height ug adunay patik nga “Nuel” sa iyang too nga kamot.
Nakaangkon ang biktima og samad pinusilan sa iyang ulo ug dughan.
